تحية إعلامية للزوار الكرام ومرحبا بكم في موقعكم الشاون بريس           
صوت وصورة

انتقادات لاذعة لمقاول بالجبهة


تزيين أحياء وزان

 
النشرة البريدية

 
 


زوجاتني الوليدة: زجل: عبدالله سهلال


أضيف في 16 يناير 2014 الساعة 37 : 14



 

زوجاتني الوليدة  


زجل: عبدالله سهلال


كنت ياسيادي بوكوس هاني مرتاح البال


دارت فراسي طن قلت نتزوج شوفو لهبال


ما جيت فين نقلب على بنت لحلال


حتى لقيت الوليدة خطبات لي بنت الخال


قالت دقيقنا فزيتنا نزربو بلا تعطال


جوج جوج من الحاجة كنجبد بلا تسوال


والعرس فالقاعة هاذي ما كانت لي علبال


شلى فلوس خسرت متحسبوش وشلى مال


والشيكات غير كنسني و نفرق والدين تقال


أوملي كلشي بغى فلوسو دارو لي فلمحكمة مقال


مالقيت غير مراتي نحكي ليها علحوال


الساعة تسوفت لي,الحاصول: ماكاين ما يتقال


وليت نقدد فعظامي مرضت وتزاد علي الحال


قلبني الطبيب قال لي ماعندك باس غير الكبدة والطحال


أو عملية ساهلة تقاد ليك القلب هاذ الشي حالو سهال


بلحق قبل ماترجع شوف ليك شي فقيه إيكون عليه التعوال


يزول ليك السم اللي فلمعدة كيقولو عليه التكال


ناري يامي وليت عقوبة بعدما كنت سيد الرجال


ماحيلتي لصحاب لكريدي ما حيلتي للطبيب


ما بقى لي غير مول الفال


واك واك آعباد الله آش داني للجواج ونا ماعندي مال


عيطت عيطة حنينة تهدو ليها الجبال


لقيت لميمة لحنينة عند راسي كتقول لي :


أنت فعار الله آوليدي علال


ثم فرحت وخف علي الحال


حيت غير كنت كنحلم وباقي بوكوس مرتاح البال.







تعليقات الزوّار
الآراء الواردة في التعليقات تعبر عن آراء أصحابها


1- بدون

لوستاد


تزوجنا و ما ندمنا علاش
و علاش لبلاد التابعة لاحونا
إمتا أراسي ما عرفنا كيفاش
على دارنا و ولادنا بعدونا
حضيني نحضيك فينك و منين جيتي
من السوق شنو شريتي و لدارك آش دخلتي
ها خبارك تسرح كبف الزواق
لا تعجب راك فجبال الحضية و التبراق
ها الأستاد فاق بكري واقيلا غادي هارب
جريو تشكيو و الحاضر يعلم الغايب
النوارة تلهب و الديناامو يجدب
وسعد السعود السعداني ما يتغلب
و خا تجيبلو تراكتور من طريقك ما يبعد
الحاصول الدمغية مشات و العقلية زيرو
تقادا شغالهوم ما عندهوم ما يديرو

في 19 يناير 2014 الساعة 42 : 23

أبلغ عن تعليق غير لائق


2- excellent

Im@ne

اسى سهلال هادشى غزال او ما كانش على لبال....
تبارك الله عليك اعجبنى اكثر من رائع تحياتى استادي استمر وامتعنا بكلماتك الجميلة و شكرا

في 12 مارس 2014 الساعة 59 : 20

أبلغ عن تعليق غير لائق


 

 

 

 

 

أضف تعليقك على الموضوع
* كاتب التعليق
* عنوان التعليق
  * الدولة
* التعليق



زوجاتني الوليدة: زجل: عبدالله سهلال

حمار السانية.. لا يصلح زوجا

في حالتِنا، وأساليبِ التضليلِ و"تَقْنِيعِ" الأعداء... !

أبو الزوز يختار شفشاون لتصوير أغنية جديدة

زوجاتني الوليدة: زجل: عبدالله سهلال





 
إعـAــلانات
 
البحث بالموقع
 
مقالات وأراء

مأساة هجرة الأدمغة