مايدوم حال
شْحال ْمن محْنة
وشحال مْن عْقل زادْت ْفالراسْ
لا الصهْبا بْنت الْدوالي
لا جْميل فْالكاس يشْفي حالي
شْتانا صْمايم
وصيفْنا ْليالي
يالساهْدين معانا
غْدْنا ساني
يْقولوا العاشْق دْليل
وانا العاشْقكْ ما بْحالي مْثيل
غيواني
شٌومْ غْرامك يا بلادي
فْدواخلي يكْدي
يا هلال الدّارة اللّاسْعاني
يا سْعدْ سْعايدي
يا الّـْنوَّارة
تايْه فْرحابْك ضْليل
صْباحي ومْسايا غاسْق
ولونْ نْهاري قاني
نْــكْـدنْـا اعْتى مْنْ عاتي
ودْرْبْنا مازالْ طْويل
يْشبعُوني كْسُور
إذا دْرت راسي هْبيل
قارْم وسْط ضْلوعي وْكنَاني
وْالحالْ عْليل
يا السَّاهْـدينْ مْعانا
تْسنَّاو يوم الشْرَاد
طْـليْبنَا كان ْومازال ْنصَراني
الحاكْم لابْد مَايْدوق المعَاني
وخّا فْطبيعْتُو جْلّادْ.
من ديوان: لالة عيشة
عبد المنعم ريان
1998-11-10 شفشاون
