نــورا
كَانْتْ نُورَا
الزِّينْ فْ الحَرْف والصُّورَة
مُونَالِيزَا
لوحة فْ الخاطر مَحْفُورَة
وَاللِّي شافْها يَعْشَقْها
الصْوَابْ والأدَبْ يسْبَقهَا
وَفْ لِيلَة زَغْبيَة
ماكانْتْ فْ البالْ
ماكانتْ فْ النِيَّة
هَبَّتْ رِيحْ قْويَّة
جابَتْ مْعَها غُولْ
غُولْ … واشْ مَنْ غُولْ
حَطْ جْناحُو فْ لمَدينَة
و نُورَا
البنْتْ المسْكينَة
قْراتْ فيهْ لاَمَانْ
دَوَّخْهَا بْحلاوةْ اللسانْ
تْعَشَّا بِيهَا.. وْتْغَدَّا
كْلاها لْحَمْ… وَرْماها كَسْدَة
غَدَّا
أو بَعدْ غَدَّا
وانتَ فْ المدينَة تَتْسارَا
يَمكنْ تَلْقا فْ الشارِعْ نَوَّارة
هَاذيكْ نُورَا
حْمامة تدْبحاتْ
زَهرة وذْبلاتْ
شَمعة وطْفاتْ
